உன் மன்னிக்கும் மனப்பான்மை பரலோகத்தை பூமிக்குக் கொண்டு வரும்!

முகப்பு ›› அற்புதங்கள் ›› உன் மன்னிக்கும் மனப்பான்மை பரலோகத்தை பூமிக்குக் கொண்டு வரும்!

ஜீவனும் மரணமும் நாவின் அதிகாரத்தில் இருப்பதாக ஆண்டவரின் வார்த்தை நமக்குச் சொல்கிறது. இது உண்மைதான்… அணுகுமுறைகள் நம் சக மனிதர்களுக்கும் நமக்கும் ஜீவனையோ மரணத்தையோ கொண்டுவரும் என்று நான் தனிப்பட்ட முறையில் நம்புகிறேன்.

இதனால், மனிதன் ஒரு பார்வையால் காயப்படுத்திவிட முடியும்; ஒரு வார்த்தையால் கொல்லமுடியும்; அல்லது கசப்பான, மௌனமான மன்னிப்பின்மையால் புதைத்துவிட முடியும். ஆனால் இதற்கு நேர்மாறானதும் உண்மைதான்…உனக்கு.

பிரபஞ்சத்தின் அதிபதியான ஆண்டவரின் உடைமையான உனக்கு!

நாம் வேதாகமத்தில் வாசிப்பதுபோல், பணத்தினால் மீட்கப்படாமல், கிறிஸ்துவின் விலையேறப்பெற்ற இரத்தத்தினாலே மீட்கப்பட்டோம். (1 பேதுரு 1:18-19)

கிறிஸ்துவை உன் ஆசாரியராக்கி, அவருடைய சீடராக இருக்கும் நீ… ஒரு பார்வையால், சோர்ந்து இருப்பவர்களை உயர்த்த முடியும் என்பதை அறிந்துகொள்! மன்னிப்பு என்ற வார்த்தையின் மூலம், உன் பக்கத்து வீட்டுக்காரர் முகத்தில் மீண்டும் ஒரு புன்னகையை வரவழைக்கலாம்! மௌனத்திலும் கூட, ஏதேனும் ஒரு சூழ்நிலையில் ஒருவரின் கடந்த கால தவறுகளை சுட்டிக்காட்டாமல் இருப்பதன் மூலம் ஆறுதல் கொண்டுவர முடியும்.

இந்த அழகான பொறுப்பு ஆண்டவரால் உன்னிடம் ஒப்படைக்கப்பட்டுள்ளது. நீ அவரைப் போல நேசிக்கவும், அவரைப் போல மன்னிக்கவும், அவரைப்போல செயல்படவும் இந்தப் பூமியில் இருக்கிறாய். வேதாகமம் கூறுவது போல், உனது பலத்தினாலும் அல்ல, பராக்கிரமத்தினாலும் அல்ல, மாறாக அவருடைய ஆவியினால் ஆகும்! (சகரியா 4:6 ஐப் பார்க்கவும்)

இன்று, பரலோகத்தை பூமிக்குக் கொண்டு வா, போராட்டத்துக்கு மத்தியில் அன்பையும், கடும் சண்டைகளுக்கு மத்தியில் மன்னிப்பையும் கொண்டு வா. இது எளிதல்ல என்றாலும், நீ செல்லும் எல்லா இடங்களிலும் ராஜ்யத்தின் கொள்கைகளின் தூதராக இரு!

பின்குறிப்பு : மன்னிப்பு குறித்த இந்தத் தொடரின் முடிவிற்கு நாம் வந்துள்ளோம். படித்ததற்கு நன்றி. நீ ஆசீர்வதிக்கப்பட்டிருக்கவும், இன்னும் பெரிய அளவில் உனக்கும் மற்றவர்களுக்கும் மன்னிப்பை வழங்கவும், நான் ஜெபிக்கிறேன்! இந்தத் தொடரின் போது யாரையாவது அல்லது உன்னை நீயே மன்னிக்கும் முடிவை நீ எடுத்திருந்தால் ஆண்டவர் உன்னை ஆசீர்வதிப்பாராக… நன்றி.

"அனுதினமும் ஒரு அதிசயம்" என்ற தினசரி ஊக்கத்தை பெற இங்கே இலவசமாக சந்தா பதிவு செய்யலாம்



* பதிவு செய்வதன் மூலம், நீங்கள் Jesus.netன் விதிமுறைகள் & நிபந்தனைகள் மற்றும் தனியுரிமை அறிக்கையை ஒப்புக்கொள்கிறீர்கள்.

You are a miracle!